BEEEE... EGUNA 2012-11-08

Bertso Eskolen eguna azaroaren 24an Zarautzen

Euskal Herriko bertso-eskolen Topaketa, BEEEE…EGUNA,  izango da azaroaren 24an, Zarautzen. Herrialde ezberdinetako helduen bertso-eskolen artean harremanak egitea eta elkarrekin bertsoaz, festaz, lagun taldeaz gozatzea izan dira Topaketa hau sorrarazi duten motiboak. Iaz Lesakan izan zen lehenengo BEEEE… EGUNA eta 150 pertsonatik gora bildu ziren egunaz gozatzeko.

Zarautzen egun osoko festa egitaraua prestatu dute horretarako, hainbat bertso-eskoletako kideek eta Zarauzko Bertso-eskolak. Halabaina, mikrofonoak erabat zabalik egongo dira egunean bertan sortzen denari. Festa egun hau Zarautzen elkartzen diren bertso-eskolek eta bertsozaleek  egingo baitute.

Egitaraua:
    12:00etan bertso-poteoa, herrian zehar.
    14:30 Bazkaria Frontoi zineman. Ondoren bertso jarriak.
    22:00etan gaztetxean. Emanaldi bereziak
    Ondoren. FAN & GO erromeria taldea.


Egitarauan  parte hartuko duten bertsolari eta bertso eskolak
Egitarauan baitan, bertsolari eta bertso-eskola askok hartuko dute parte azaroaren 24an, besteak beste han izango dira: Jon Elizetxe, Nerea Ibarzabal, Jon Maia, Andoni Egaña, Xabi Igoa, Maddi Sarasua, Onintza Enbeita, Oier Aizpurua, Oskar Estanga, Aitor Sarriegi, Etxeberria anaia, Mantxi, Artzaya, Maddalen Arzallus, Maialen Velarde, Markinako Bertso eskola, Baionako bertso eskola, Tolosaldeko bertso eskola, Gabiriko taldea, Unai Muñoa, Ander Lizarralde, Iruñeko euskaldunberrien bertso eskola, Gasteizko bertso eskola, Malen Amenabar , Jone Larrinaga, Inazio Vidal eta Txaber Ormazabal.

Hauez gain: espontaneoak ere izango dute non parte hartua.

Bertso Eskolen eguna Euskal Herriko bertso-eskoletako kideei eta bertsozale guztientzat zabalik den ekitaldia da.

Laguntzaileak: Zarauzko udala, Bertsozale Elkartea, Zarauzko Salbatore Mitxelena ikastola eta zarauzko Putzuzulo Gaztetxea.

Bazkaritarako izen ematea: bertsoeskolak@gmail.com
Informazioa: bertsoeskolak@gmail.com

• 
•