On Manuel Lekuona zenaren omenez 2012-11-09

Gaur bertso-saioa izango da Oiartzunen

 Aurten 25 urte bete dira On Manuel Lekuona hil zenetik. Bertsolaritzaren eta poesiaren ikerlari ezaguna izan zen oiartzuarra, eta, besteak beste, baita Euskaltzaindiako presidente ere. Gainera, hainabt poesia eta antzerki lanen egile ere bada. Joan zen asteazkenean hasi ziren omenaldiak, udaletxean ekitaldi berezia egin baitzioten. Hainbat bideo atal eskaini zituzten ekitaldian, eta pertsonaia ezagun ugarik hartu zuten parte. Besteak beste, Iñaki Murua Euskal Herriko Bertsozale Elkarteko Lehendakariak testu bat irakurri zuen, eta Jose Ramon Zubimendi (Literatura Ikerketa Batzordea) eta Andres Urrutia euskaltzainburuak ere hitz egin zuten.

 Gaur egingo dute bigarren ekitaldia, bertso-saio bat antolatu baitute Oiartzungo Udaletxean gaueko 22etan hasita. Jon Maia, Igor Elortza, Jokin Uranga eta Jon Martin jardungo dira kantuan.

• 
•