Bizkaiko Bertsolari Txapelketa 2012-11-13

Asteburu honetan hasiko dira finalaurrekoak

 Azken txanpan sartu da Bizkaiko Bertsolari Txapelketa. Bost kanporaketaren ondoren, 18 bertsolari ariko dira finalaurreko fasean. Hamar bertsolari kanporaketetatik sailkatu dira, eta beste zortzirak, orain dela bi urteko finalean jardun zirenez, zuzenean sartuko dira lehian. Igande honetan jokatuko da lehendabiziko finalaurrekoa Basauriko Kiroldegian. Arratsaldeko 17:30etan hasiko da saioa eta honako bertsolari hauek aterako dira oholtzara:

 Arkaitz Estiballes
 Eneko Abasolo
 Gorka Lazkano
 Iñaki Iturriotz
 Oihana Bartra
 Onintza Enbeita

 Bertsolariek honako lan hauek egin beharko dituzte:

 -8ko nagusian ofiziotan 3na bertso
 -8ko txikian ofiziotan 3na bertso
 -10eko txikian ofiziotan 3na bertso
 -Kartzelako lana: Bina punturi erantzunez bi bertso zortziko txikian eta gai bati buruz hiru bertso doinu eta neurri librean

 Saioko irabazleak zuzenean lortuko du finalerako txartela. Gainerakoek puntuazioen zain geratu beharko dute. Datozen asteetan jokatuko dira beste bi finalaurrekoak:

 AZAROAREN 25ean, IGANDEZ
 Durangoko Landakon, 17:30etan
  Arrate Illaro
  Etxahun Lekue
  Fredi Paia
  Gorka Ostolaza "Potxis"
  Igor Elortza
  Jone Uria

 ABENDUAREN 2an, IGANDEZ
 Gernika-Lumoko Jai-Alai frontoian, 17:30etan
  Beñat Ugartetxea
  Ibon Ajuria
  Iratxe Ibarra
  Joseba Artza "Urta"
  Miren Amuriza
  Peio Ormazabal

 Finala, berriz, abenduaren 15ean izango da, larunbatez, arratsaldeko 17:30etan, Bilboko Miribillan. Saioetarako sarrerak jada salgai daude www.bertsosarrerak.eu webgunean. Informazio gehiago nahi izanez gero egin klik hemen.

• 
•