Udarregi Sariketa 2012-11-21

Iñaki Murua txapeldun

 Usurbilgo "Bota Punttuba" bertso eskolak bigarrenez antolatu du aurten Udarregi Sariketa. Bertsolari "beterano" eta "gazteak" elkarrekin kantuan aritzea da helburua. Aurtengoan 12 bertsolarik hartu dute parte, bi kanporaketatan banatuta. "Beteranoen" kanporaketatik Iñaki Murua, Millan Telleria eta Xabier Zeberio sailkatu ziren finalera. "Gazteen" kanporaketatik, berriz, Unai Gaztelumendi, Iban Urdangarin eta Ander Lizarralde. Joan zen larunbatean jokatu zen finala Usurbilgo Agerialdeko eskolan, 80 lagunen aurrean. Saio umoretsu eta bero baten ondoren Iñaki Muruak jantzi zuen txapela. Entzuleen saria, berriz, Iban Urdangarinek jaso zuen. Informazio gehiago nahi izanez gero egin klik hemen.

• 
•