joan den larunbatean 2012-11-27

Bertso-eskolen topaketa arrakastatsua Zarautzen

Euskal Herriko Bertso-eskolen Topaketak izan dira Zarautzen "Beeee Eguna" ospatu zen pasa den larunbatean (azaroak 24), Zarautzen. Euskal Herriko bertso-eskolatatik etorritako 140 lagun elkartu ziren egun osoko egitarauan parte hartzeko. Edizio honetan Zarauzko bertso-eskolak egin ditu "anfitrioi" lanak, Topaketak antolatzeko ardura hartuz. Eguerdiko bertso-poteoarekin eman zitzaion hasiera egunari; elkarrekin bazkaldu ostean bertso-eskolek prestatutako sortak izan ziren. Gauez gaztetxean esketxek jarri zuten ginda, eta erromeriak eman zion hasiera gaueko parrandari. Egun osoko egitarauan zehar mikrofonoa eskutik eskura ibili zuten bertsolariak eta bertso-eskolak hauexek izan ziren: Nerea Ibarzabal, Andoni Egaña, Jon Maia, Xabi Igoa, Jon Elizetxe, Maddi Sarasua, Onintza Enbeita, Oier Aizpurua, Eneko Abasolo, Aitor Sarriegi, Oskar Estanga, Unai Muñoa, Baionako Bertso-eskola, Gasteizko Bertso-eskola, Markinako Bertso-eskola, Tolosaldeko Bertso-eskola, Gabiriko Taldea eta Zarauzko Bertso-eskola. Hitzetik Hortzera saioan ere emango da Topaketen berri.

• 
•