Bertxoko Sariketa 2012-12-04

Peio Ormazabal txapeldun bigarrenez

 Joan zen ostegunean jokatu zen Bertxoko Sariketako finala Gasteizko Gaztetxean. 200 lagunek giro ederra jarri zuten aretoan, eta honako sei bertsolari hauek atera ziren oholtza gainera:

 Peio Ormazabal
 Asier Azpiroz
 Ane Labaka
 Izar Mendiguren
 Ander Solozabal
 Xabi Igoa

 Maialen Kortabarria izan zuten gai-jartzaile. Azkenean, epaileek Peio Ormazabal izendatu zuten txapeldun bigarrenez, iaz ere bera nagusitu baitzen finalean.

 2002an elkartu ziren Arabako Bertsozale Elkartea eta Gasteizko Bagare Kultur Elkartea lehenengoz Bagare Sariketa antolatzeko. Bost urtetako ibilbidearen ondoren, Gasteizko Bagare Elkartea desagertu zenean izena aldatu eta Bertxoko Sariketa antolatzen hasi ziren 2007an Hala Bedi Irratia eta Arabako Bertsozale Elkartea. Bertsolari gazteei aukera eskaintzen dien sariketa da Bertxoko, eta ariketa bereziak ditu ezaugarri, kantuetan oinarritutako hasierako agurrak tarteko. Aurtengo edizioan 18 bertsolarik hartu dute parte. Informazio gehiago nahi izanez gero egin klik hemen.

• 
•