Izeta Sariketa 2012-12-05

Aimar Karrika txapeldun

 Joan zen ostiralean jokatu zen Izeta Sariketako finala. 80 lagun elkartu ziren Elizondoko Kortarixar jatetxean. Kantuan, berriz, Baraibar eta Barañainen egindako kanporaketetatik sailkatutako sei bertsolariak:

 Aimar Karrika
 Iker Gorosterrazu
 Patxi Castillo
 Egoitz Gorosterrazu
 Josu Sanjurjo
 Kotte Plaza

 Gorka Urtasun aritu zen gai-jartzen. Epaile lanak, berriz, Mikel Altzuart, Nerea Bruño eta Josu Etxanobek bete zituzten. Aimar Karrika izan zen puntu gehien eskuratu zituena eta berak jaso zuen txapela Mariano Izeta zenaren alabaren eskuetatik. Izeta Sariketako bosgarren irabazlea da Jon Barberena, Oier Lakuntza, Jon Elizetxe eta Iñaki Alemanen ondoren. Iaz Xalto Sariketa irabazi zuen auriztarrak.

 Izeta Sariketa Nafarroako Bertsozale Elkarteak antolatzen du bi urtez behin, Baztango Udalaren eta Baztango Bertso Eskolaren laguntzarekin.

• 
•