Orixe Saria 2009-02-28

Muñoak eta Urangak egin dute aurrera

 Añorgako Errekalde Elkartean jokatu da Orixe sariko bigarren kanporaketa. 40 bat entzuleren aurrean aritu dira kantari Unai Muñoa, Jokin Uranga, Nerea Elustondo, Xabier Legarreta, Felix Zubia eta Xabier Sukia. Azkenean, Muñoa eta Urangak egin dute aurrera. Mantxi eta Ibai Esoainekin batera kantatuko dute martxoaren 14ko finalean.

 Zortziko handian eta zortziko txikian ofizioka aritu dira lehendabizi sei bertsolariak. Ondoren, bina punturi erantzun ondoren, hamarreko txikian jardun dira binaka. Azkenik, kartzelako lana iritsi da, bi ariketarekin: bukaera emanda bertso bat osatu eta gai bati bi bertso bota. Bertsolarien lana epaitzen, berriz, Ioritz Imaz, Zigor Leunda eta Aitzol Astigarraga aritu dira.

 Datorren astean jokatuko da Orixe sariko azkeneko kanporaketa. Honako bertsolari hauek ariko dira kantuan, 20:30etan hasita:

 Iñaki Gurrutxaga
 Oihana Bartra
 Joxe Munduate
 Iñaki Apalategi
 Beñat Ugartetxea
 Iñigo Eizagirre

 Saioa Añorgako Gure Kabia elkatean izango da. Afarira joan nahi duenak Jolas Etxean eman behako du izena, datorren asteazkena baino lehenago.

• 
•