Larunbatean, 18:00etan Leidorren 2013-01-16

Bertso jaialdia Tolosan Txolarre Irratiaren alde

Azken urteetan bezala, Tolosaldeko Txolarre Irratiaren aldeko bertso jaialdia egingo da larunbatean, Tolosako Leidor antzokian: Andoni Egaña, Maialen Lujanbio, Amets Arzallus, Jon Maia, Igor Elorza eta Alaia Martin izango dira bertsotan, eta Amaia Agirre gai-jartzen. Sarrera, aldez aurretik 10 euro, egunean bertan 12 euro.

Jendea kanpoan azken urteetan
Txolarra Irratiaren aldeko ekitaldiak arrakasta handia izan du azken urteetan. Jaialdi onak atera dira eta horrek ere jendea erakarri egin du. Azken urteetan sarrerak agortu egin izan dira (900 entzuleko aforoa du Leidor zinemak) eta jendea kanpoan gelditu. Tolosaldeko eskualdean egiten den jaialdirik jendetsuena izan ohi da larunbatekoa.

• 
•