Igandean Donostian 2013-01-17

Asier Azpiroz nagusi Mikel Laboa sariketan

 Joan zen igandean jokatu zen Donostian, Antiguako Doka Kafe Antzokian, Mikel Laboa sariketaren bigarren edizioa. 50 bat entzule elkartu ziren. Saio polita atera zen eta bi ordu eta erdiz bertsolari gazteen mailarekin gozatzeko aukera izan zuten bertsozaleek. Azkenean, Unai Gaztelumendirekin, iazko txapeldunarekin alegia, buruz burukoa jokatu eta Asier Azpirozek jantzi zuen txapela. Maila handiko saioa osatu zuen zubietarrak.

 Atzetik gelditu ziren, hurrenez hurren, Maddi Ane Txoperena, Amaia Iturriotz, Xabi Igoa eta Txaber Ormazabal. Unai Elizasu aritu zen gai-jartzaile lanetan.

• 
•