Mungian izan zen 2013-01-22

Aitor Albisturrek irabazi du San Antontxu bertso-paper sariketa

Urteroko bertso jaialdia ez ezik, Mungian San Antontxu bertso paper sariketa izaten da, Taket bertso eskolak antolatuta. Igandean banatu ziren sariak eta Aitor Albistur oreretarra izan da irabazlea, Zuri  lanarekin. Albisturrek bikote harremanetako sentimenduek denboraren joanean duten bilakaerari jarri dizkio bertsoak. Aitor Albistur da gaur egunean bertso-paper sariketa gehien irabazten dituen bertso jartzaileetako bat. Bigarren saria Unai Ormaetxea zornotzarrak eskuratu zuen, EGB (OHO) lanarekin, eskola garaiko kontuak bertsotara ekarriaz. Hirugarren saria Nerea Ibarzabal markinarrarentzat izan zen, Beste baten ohetik eguna esnatzen ikustea lanarekin. Gaztetxoen mailan, Aitor Servier azkaindarrak jaso zuen lehen saria Urteak lanarekin, Maialen Akizu urretxuarrak bigarrena Oso ondo bizi gara eta hirugarrena Paule Ixiar Loizagak Metamorfosia lanarekin. Parte hartzeari dagokionez, helduetan bederatzi lan aurkeztu ziren eta umetan hogeita hiru.

• 
•