18etan Villabonako Subijana Etxean 2013-02-18

Ostegun honetan bukatuko dira Umorez jardunaldiak

 Joan zen astean hasi ziren Euskal Herriko Bertsozale Elkarteko Genero Batzordeak antolatutako Umorez jardunaldiak. 30 lagun inguru bildu ziren Villabonako Subijana Etxean Carmen Larrañaga Odriozola eta Ibon Arrizabalaga de Mingoren hitzaldiak jarraitzeko. Hitzaldiok laster izango dira ikusgai Bertsoa.com-en.

 Jardunaldiak ostegun honetan bukatuko dira, beste bi hitzaldirekin. Lehenengoa, arratsaldeko 18etan, Jokin Azpiazu Carballok eskainiko du: "Maskulinitatea: eraldatu, irauli edo baztertu". Maskulinitatearen inguruan orain arte sortutako ikuspegien azterketa egingo du hitzaldian.

 Bigarren hitzaldia Saioa Cabañas "Gauilunak" argazkilariak emango du, arratsaldeko 19:30etan. Bertan, Emarock egitasmoa aurkeztuko du. Proiektuaren helburua musika munduko emakumeak ikusgai egitea eta euren testigantzak jasotzea da.

 Nahi izanez gero hitzaldien ondoren afaritan geratzeko aukera ere izango da. Horretarako, honako helbide honetara idatzi beharko da: umorez@bertsozale.com.

• 
•