Batzar Nagusiak 2013-02-19
Datozen asteetan elkartuko dira bazkideak
Araban urtarrilean egin zen Batzar Nagusia eta joan zen asteburuan Nafarroan. Larunbat honetan Bertsularien Lagunak elkartearen txanda izango da; datorren asteburuan Gipuzkoa eta Bizkaikoak egingo dira eta martxoaren 9an Euskal Herriko Bertsozale Elkartearena.
Aste Santua iristerako Batzar Nagusiak egiten dituzte Araba, Nafarroa, Ipar Euskal Herri, Gipuzkoa eta Bizkaiko Bertsozale Elkarteek eta Euskal Herrikoak. 2012an egindakoari errepasoa eman eta 2013ko egitasmoa bazkideei aurkezteko aukera izaten da bertan. Araban eta Nafarroan egin dituzte jada batzar nagusiak, eta datozen asteetan burutuko dira gainerakoak.Bertsularien Lagunak Elkarteak larunbat honetan jarri du hitzordua, goizeko 10etan, Senpereko Larraldea etxean. Gipuzkoako Bertsozale Elkartearen Batzar Nagusia Zaldibin izango da, martxoaren 2an, goizeko 11etan, Karrerane Kultur Etxean. Egun eta ordu berean egingo da Bizkaiko Bertsozale Elkartearena ere, goizeko 11etan, Zornotzako Zelaieta zentroan.
Azkenik, Euskal Herriko Bertsozale Elkartearen Batzar Nagusia martxoaren 9rako deitu dute, Elizondon, goizeko 11etan.
Albiste gehiago
Anonyme Popularren agurreko kontzertuak maiatzean eta ekainean 2024-04-18
Anonyme Popular: 'Azken agurrak' bira Gasteiz, Baiona eta Bilbon
Maddi Aiestaran Iparragirre - Osinalde Sariko balorazioa 2024-04-08
«Helburua zen guretik kantatzea eta uste dut neurri handi batean lortu dugula»
Jone Larrinaga Dañobeitia - Bertsolari Bertsozale Podkasta 2024-03-28
«Bertsolaritzaren garapena aberatsagoa da espektatibarik gabe»
Mikel Artola Izagirre - Gipuzkoako Bertsozale Elkarteko koordinatzailea 2024-03-26
«Gipuzkoan 10-50 urte bitarteko bertsolari ia denek kantatuko dute udaberrian»
Juanjo Uria Zubiarrain - Bertsolari bertsozale podkasta 2024-03-15
