Alaia Martin elkarrizketatuko dute 2013-02-22

Hondarribi eta Beasaingo saioak Hitzetik Hortzeran

 Aste honetako Hitzetik Hortzera saioan bi bertso-afarik beteko dute tarterik handiena. Alde batetik, inauteriak zirela eta Hondarribiko Jaizkibel konpainiak antolatutako bertso-afarian izan ziren kamerak. Aurtengoa laugarren urtea izan da, eta, ohi bezala, mozorrotuta agertu ziren bertsolariak ez beste afaltiar guztiak. Gai-jartzaile lanak Arantxa Urretabizkaia idazleak bete zituen, mozorrotuta berak ere. Bertsotan Unai Iturriaga eta Alaia Martin aritu ziren, eta saioko unerik distiratsuenak eskainiko ditu Hitzetik Hortzerak. Gainera, Alaia Martini egindako elkarrizketa ere emango dute.

 Bigarren bertso-afaria Beasainen izan zen, Arranon. Maialen Lujanbiok eta Arkaitz Estiballesek kantatu zuten Iñaki Apalategi gai-jartzaile zutela.

 Astean bi emanalditara itzuliko da Hitzetik Hortzera aste honetan: ostiralean 21etan eta igandean 15etan izango da ikusgai ETB1en.

• 
•