Hirugarren edizioa da aurtengoa 2013-03-14

Bertsokatu Txapelketa hasi da Gasteizen

 Gasteizko Kutxi kaleko tabernariek eta Arabako bertsolariek elkarlanean antolatzen dute Bertsokatu Txapelketa. Aurreko bi edizioetan izandako arrakastaren ondoren, aurten hirugarren aldiz antolatuko dute ekimena. Partehartzaileen izenak jakinarazi ez badituzte ere, jada osatu dute egutegia. Bost kanporaketa eta finala izango ditu aurtengo edizioak. Atzo jokatu zen lehenengo kanporaketa Aranba tabernan, eta datozen asteetan izango dira hurrengo laurak:

 MARTXOAREN 20an, ASTEZAKENA
 Iluntzeko 21etan Aizkora tabernan

 APIRILAREN 10ean, ASTEAZKENA
 Iluntzeko 21etan Hala Bedi tabernan

 APIRILAREN 17an, ASTEAZKENA
 Iluntzeko 21etan Txapelarri tabernan

 APIRILAREN 24an, ASTEAZKENA
 Iluntzeko 21etan Garraxi tabernan

 Finala maiatzaren 9an izango da, ostegunez, Gasteizko Gaztetxean. Aurreko edizioetan jendetza elkartu izan da bertan. Lehendabiziko edizioan Peio Ormazabal nagusitu zen eta bigarrenean Iñaki Viñaspre.

• 
•