Martxoan Bertsoa 2009-03-12

Xabi Payarekin ikastaroa izan zen larunbatean

 Aurrera doa "Martxoan Bertsoa" ekimena. Joan zen larunbatean ikastaro bat gidatu zuen Xabi Payak. Bertso eskolako jendea izan zen inguratutako gehiena, eta, beraz, ikastaroa haiei egokitu zien algortarrak. Gorka Azkaratek dioenez, "errima eta neurria landu beharrean publiko aurreko jarrerarekin" aritu ziren. Azken finean, "inguratu zirenek bazituzten bertsoari buruzko ezagutza batzuk".

 Ikastaroaren hasieran azalpen teoriko bat eman zuen Payak. Ondoren, teoriaren inguruko praktikak burutu zituzten ikasleek. "Esate baterako, gune zehatz batean bertsoa kantarazi zigun. Autobusean gindoazela gure ondokoa hurbiltzen ari zitzaigula pentsatuz kantatzeko esan zigun, Horri lotutako keinuekin lagundu behar genuen bertsoa. Hau da, antzezten jarri gintuen".

 "Gustura" atera zen Azkarate ikastarotik. "Berez bi orduko saioa zen arren, denbora gehiago egon ginen".

• 
•