Osiñalde eta Orixeko bertsoak 2013-04-13

Hitzetik Hortzera sarean ikusgai

Aste honetako Hitzetik Hortzera sarean ikusgai dago jadanik.

Orixe eta Osiñalde sariketetako bertsoak emango dituzte aste honetako Hitzetik Hortzeran. Orixeko finala Añorgan jokatu zen, martxoaren 22an. Osiñalde, Gabirian, joan den larunbatean. Iñigo Manzisidor Mantxi eta Nerea Ibarzabal izan dira txapeldunak.

Orixeko finalean, Añorgako Jolas-Etxe jatetxean sei bertsolari aritu ziren: Iñaki Zelaia hernaniarra, Xabier Sukia oriotarra, Aitzol Barandiaran ataundarra, Nahikari Gabilondo, Felix Zubia eta Iñigo Manzisidor Mantxi. Azken hirurak zarauztarrak. Hirugarren aldia zuten Zarauzko Motxian bertso eskolako hiru kideek elkarrekin kantatzen zutena finalean. Ez dute gehiago aukerarik izango irabazleek ezin izaten baitute berriz parte hartu eta aurtengo txapela Mantxik jantzi du. Finalaren aurretxoan hiru bertsolari horiekin egon da Jon Artano euren egunerokoaz gehiago jakin nahian. Elhuyar Fundazioan harrapatu du Gabilondo aurkezleak, Donostiako Ospitalean Zubia eta Zarauzko malekoian Mantxi.

Osinalde sariketan ere sei bertsolari aritu ziren kantari: Imanol Uria algortarra, Iñaki Aleman iruritarra, Josu Oiartzabal Xenpelar azpeitiarra, Peio Ormazabal arrigorriagarra eta Nekane Zinkunegi errezildarra.

• 
•