Bertsu Izurraldia 2009-03-13

"Bertsulariaren kantakera zaharrari aurpegi berria emaiterat goatzi"

 Bertsu Izurraldia izango da gaur Kanboko Emaitza gaztetxean, arratseko 9etan. Gilen Hiribarren antolatzaileak azaldu duenez, honela sortu zen ideia: "Besta giroan, gai xelebre batzuk atera eta irudikatzen ari ginela erantzuteko erari, antzerkian ematea polita izan zitekeela pentsatu genuen". Beraz, antzerkia eta bertsoa txertatuko dituzte gaurko emanaldian.

 Bertsolariaren kantakera zaharrari aurpegi berria eman nahi omen diote. "Taula gainean gauza asko izanen da, eta guk prestatu haritik, bertsularia lekuko bat izanen da, antzerkiaren pieza bat balitz bezala".

 Bertso saio berezia izango da gaurkoa, eta denetariko publikoa espero dute. "Betiko bertsuzaleak jitea espero dugu, baina ireki nahi genion bertsularitzaz aditzea duen jendeari eta saioetara jiteko indarra egiten ez duenari."

 Gaurko saioa prestatzeko "aski lan" izan dutela dio Gilenek, "bi urte buruan buelta eta buelta ari zen ideia" baitzen. Dena den, ikuskizunak funtzionatuz gero, ez du errepikatzea baztertzen.

• 
•