Baigorriko Oronozia Etxartean 2013-04-30

Iparraldean Bertsu Eskolen Topaketak egiten ari dira

 Iparraldeko Bertsu Eskolen Topaketak egiten ari dira atzotik Baigorriko Oronozia Etxartean. Aurtengoan 70 haur elkartu dira bertan, eta gaur bukatuko zaie egonaldia. Bertsoa aitzakiatzat hartuta, haurrek ondo pasatzea da helburua. Gainera, bertso-eskola ezberdinetako haurren arteko harremanak ere sendotu nahi dituzte.

  Gainera, gaurko egitarauaren barruan Eskolarteko Bertsolari Txapelketako kanporaketak jokatuko dituzte 15 eta 18 urte bitarteko ikasleek. Eguerdiko 13:30etan hasiko dira saioak, eta bi kanporaketa izango dira. Lehenengoan honako bertsolari hauek ariko dira:

 Nahia Sasco
 Leire Lascaray
 Ellande Dunate
 Iulen Vrignon
 Idoia Iriart
 Maddi Sarasua
 Ttele Iriart
 Ortzi Murua

 Bigarren kanporaketan beste zazpi bertsolari dira kantatzekoak:

 Aitor Servier
 Ainhoa Sarasua
 Lur Renteria
 Johaine Sarraillet
 Itxaro Dunate
 Jon Irazabal
 Ibai Capot

 Gaurko saioetatik sailkatutako bertsolariek ekainaren 1ean jokatuko dute finala Ahierran. Bertsu-Eskolen Egunaren barruan izango da saio hori.

• 
•