Datozen asteetan igandetan ez da programarik izango 2013-05-02

Bera eta Basauriko saioak emango ditu Hitzetik Hortzerak

 Bihar gaueko 21etan Hitzetik Hortzera programa emango du ETB1ek. Aste honetako programan bi saio izango dira ardatz. Alde batetik, joan zen ostiralean Beran Patxi Vila txirrindulari erretiratu berriari egin zioten omenaldia eskainiko dute, bertan Aitor Mendiluze eta Sustrai Colina aritu baitziren bertsotan. Jon Artanok Patxi Vila elkarrizketatuko du, eta txirrindularitza profesionala utzi ondorengo bizimoduaz galdetuko dio. Gainera, Beratik Ibardingo gainera elkarrekin igoko dira bizikletan, bertako Mendiko sagardotegian eskaini baitzioten omenaldia. Kantu zaharrak kantatu zituzten bertan bildutakoek.

 Bigarren saioa Basaurikoa izango da. Basozelai gizarte etxean aritu ziren Miren Amuriza, Jone Uria, Amets Arzallus, Jon Maia eta Arkaitz Estiballes Maite Berriozabal gai-jartzaile zutela.

 Datozen asteetan Hitzetik Hortzera ostiral gauetan soilik emango du ETB1ek, igandeetan Italiako Giroko etapak izango baitira.

• 
•