Mikel Irizar elkarrizketatuko du Jon Artanok 2013-05-16

Gazeta eta Azkarateko bertso-afariak emango ditu Hitzetik Hortzerak

 Aste honetan ere ostiralez bakarrik eskainiko du Hitzetik Hortzera ETB1ek, iluntzeko 21etan. Dena den, programak, ohi bezala, bi saio izango ditu ardatz. Batetik Elorrioko Gazeta auzoan Sebastian Lizasok eta Amets Arzallusek egindako bertso-afaria. Iaz Andoni Egañarekin joan zen Lizaso, eta aurten lehenengoz aritu da Arzallus. Elkarri bidea erakutsiz osatu zuten saioa. Gainera, Gazetan bertan bizi den Mikel Irizar elkarrizketatuko du Jon Artanok. Gaur egun Topaguneko eta Tokikomeko presidentea da Irizar, eta 90eko hamarkadan joan zen bertada bizitzera. Etxe inguruko mahastiak erakutsiko dizkio Artanori.

 Azkaraten egindako bertso-afariak ere toki handia beteko du aste honetako programan. Uxue Alberdi eta Jon Maia aritu ziren kantuan. Herrian 101 lagun erroldatuta egonda 80 elkartu ziren afarian. Giro ederreko saioa izan zen, eta horren zatirik onenak emango ditu Hitzetik Hortzerak.

• 
•