Bi diziplinak elkartzeko ahalegina 2013-05-17

"Bertso-pilota" aurkeztu zuten atzo

 Lehen ere askotan egin izan dira "bertso-pilota" saioak. Añorgako Iker Urmeneta eta Donostiako Ekain Ormazabal pilotariek aspaldian zeukaten buruan, hala ere, emanaldiari forma emateko gogoa. Beñat Gaztelumendi bertsolariarekin elkartu eta Lankura jo zuten. Horrela azaldu zuten atzo Koldo Mitxelenan egindako aurkezpenean "Bertso-Pilota" ikuskizuna. Azaldu zutenez, ez datoz aurretik egindako ezer ordezkatzera, antolatzaileei ikuskizuna antolatzeko erraztasunak ematera baino. Proposatzen dutena zera da: ahal dela herrian herriko bertsolari eta pilotariekin saioak osatzea, aurkezle batek gidatuta. Pilotariak binaka arituko lirateke, eta bertsolari bakoitzak bikote baten botilero lana beteko luke, "saltsa" jartze aldera. Gainera, herritarren partehartzea sustatzeko, ikusleak ere lanean jartzeko asmoa agertu zuten, bai artekari lanetan eta baita epaile lanetan ere.

 Mikel Mariskal Lankuko zuzendaria, Beñat Gaztelumendi bertsolaria eta Iker Urmeneta pilotaria izan ziren atzoko prentsaurrekoan. Informazio gehiago nahi izanez gero egin klik hemen.

• 
•