Eskolarteko Bertsolari Txapelketak 2013-05-24

Bertsolari gazteak oholtzara gaur Iparraldean eta Gipuzkoan

 Azken txanpan sartu dira Eskolarteko Bertsolari Txapelketak. Aste honetan ere agenda bete-betea dator. Gaur Bertsulari Ttipi Eguna ospatuko dute Miarritzen. Sehaskako 400 ikasle elkartuko dira bertan eta festa handia izango da. Tartean, Amets Arzallus eta Sustrai Colina dira kantatzekoak, Oskar Estangak gitarraz lagunduta. Jai Alai ezker paretan izango da ospakizuna, goizeko 10etan hasita.

 Aurten Iparraldean 14 urtetik beherakoen artean ez da lehiarik izango eta Euskal Herriko finalean kantatu nahi dutenek osatuko dute taldea. Datorren astean bigarren Bertsulari Ttipi Eguna ospatuko dute, kasu honetan Gabadiko Herriko salan.

 Gipuzkoan azkeneko kanporaketa jokatuko da gaur Lazkaoko Areria zineman. Arratsaldeko 15etan bertsopaper lehiaketa egin ondoren 16etan hasiko da bat-bateko saioa. Gaztetxoen mailan Ordizia eta Zarauzko taldeek kantatuko dute. Gazteen mailan, berriz, zortzi bertsolari aterako dira oholtzara:

 Mikel Tapia (Ataun)
 Iñaki Rezusta (Ormaiztegi)
 Aitor Irastorza (Zaldibia)
 Gemma Urteaga (Ordizia)
 Paul Iruretagoiena (Ataun)
 Mikel Oria (Zerain)
 Jon Gurrutxaga (Azpeitia)
 Aitor Balerdi

 Finala maiatzaren 31n izango da, Tolosako Leidor Aretoan.

• 
•