Tolosako Leidor aretoan 2013-05-28

Ostiral honetan jokatuko da Gipuzkoako Eskolarteko Txapelketako finala

 Azkeneko txanpan sartu dira Eskolarteko Bertsolari Txapelketak. Ostiral honetan Gipuzkoako finala jokatuko da Tolosan, Leidor aretoan. Arratsaldeko 16etan hasiko da finala 14 urtera artekoen saioarekin. Bertsolariak taldeka ariko dira maila honetan eta hauek dira finalistak:

 -Oiartzun: Xuban Martiarena, Jokin Irastorza, Josu Ibarguren eta Aiora Mantxeño
 -Zarautz D: Ane Peñagarikano, Jone Makazaga, Irati Tolosa eta Libe Goenaga
 -Aretxabaleta: Ixak Sarasua, Haizea Arana, Oihana Arana eta Mariaxe Ruiz de Austri
 -Goierriko bertso-eskolako Ordizia: Iraitz Sarasola, Oier Ibarzabal, Gartxot Ramirez eta Ane Beloki

 Ondoren, 15 eta 18 urte bitarteko bertsolariak aterako dira oholtzara. Honako hauek sailkatu dira:

 Ane Zuazubiskar
 Maialen Akizu
 Eñaut Martikorena
 Eli Pagola
 Gemma Urteaga
 Aratz Igartzabal
 Aitor Irastorza
 Mikel Iturriotz

 Euskal Herriko Ikastolak aritu dira txapelketa antolatzen Bertsozale Elkartearekin lankidetzan. Aurkezle lanetan Maialen Lujanbio ariko da. Epai-mahaia, berriz, Martin Aramendik, Maite Sukiak eta Aitzol Astigarragak osatuko dute. Bertan banatuko dira bertsopaperetako sariak ere.

• 
•