Egun osoko festa Legution 2013-05-29

Arabako Bertso-Eskolen Eguna ospatuko da larunbatean

 Maiatzaren 10ean hasi zen Arabako Eskolartekoa azkeneko txanpan sartu da. Lau topaketa ospatu dituzte Gasteizen, Zalduondon, Aramaion eta Kanpezun, eta Legution egingo den Arabako Bertso-Eskolen Egunarekin borobilduko dute aurtengoa, festa giroan. Orain  arteko saioetan, guztira, 70 bat haur eta gazte aritu dira kantuan.

 Larunbat honetan izango da Bertso-Eskolen Eguna, Legutioko Kultur Etxean. Egun osoko egitaraua prestatu dute. Goizeko 10etan 14 urtetik beherakoak hasiko dira beren bertso sortak eta bat-bateko bertsoak kantatuz.

 Ondoren, eguerdiko 14etan, herri bazkaria egingo dute herriko plazan. Herri kirolak eta dantzarako aukera ere izango dira bertan.

 Arratsaldeko 16:30etatik aurrera, berriz, 15 eta 18 urte bitartekoen txanda izango da. Bertso jarriak kantatu ondoren honako sei bertsolari hauek kantatuko dute bat-bateko saioan:

 Maialen Saez de Okariz (Gasteiz)
 Iñaki Tena (Gasteiz)
 Jon Unai Aspe (Agurain)
 Egoitz Iradier (Zalduondo)
 Sabin Aranburu (Aramaio)
 Peru Abarrategi (Aramaio)

• 
•