26. edizioa izan da aurtengoa 2013-06-03

Baztan-Bidasoako Bertsopaper Lehiaketako sariak banatu dituzte

 Bortzirietako Bertso Eskolak eta Berako Kultur Batzordeak Bortzirietako Euskara Mankomunitatearekin batera antolatzen dute Baztan-Bidasoako Bertsopaper Lehiaketa. Aurten 26. edizioa bete du sariketak eta 170 lanek hartu dute parte. Honako hauek izan dira sarituak:

 A kategorian Ekhiñe Zapiain Arlegik (Bera) irabazi du "Ikastolan erdi lo" lanarekin. Bigarren Maddalen Oteiza Ollo (Narbarte) gelditu da, "Udaberria" izeneko sortarekin. Iratxe Muxika Karrionen (Lesaka) "Nere Ametsa" lanak aipamena jaso du.

 B mailan Uxue Mesa Garmendiak (Lesaka) jantzi du txapela "Oporrak" sailarekin. Gaizka Agirre Urroz (Narbarte) izan da bigarren "Binakako finala" lanarekin. Kategoria honetan bi aipamen izan dira. Alde batetik, Maiana Alzuguren (Bera) "Udaberria" sortarekin. Eta, bestetik, Jon Zabala (Arantza) "Bertsolaritza" lanarekin.

 C mailan Aitor Servier-Etchechurik (Azkaine) jantzi du txapela "Metamorfora" lanarekin. Bigarren Ibon txoperena Elosegi (Lesaka) izan da "Egun normal bat" sortarekin.

 Azkenik, D kategorian Julen Zelaietaren (Bera) "Amets bizidunak" sortak irabazi du. Eneko Fernandez (Lesaka) izan da bigarren "Yes, we C.A.N." lanarekin.

 Sari-banaketa ekitaldian Bera, Lesaka, Igantzi, Sunbilla eta Doneztebeko bertso-eskoletako gaztetxoek antzerkiak egin zituzten.

• 
•