Urola Kostako Hitzaren alde 2009-03-17

Bertso saio jendetsua izan zen larunbatean

 Aurten bost urte bete ditu Urola Kostako Hitzak, eta, ospatzeko, bertso saioa antolatu zuten larunbatean. Izarraitz pilotalekuan izan zen bertso jaialdia, eta 250 lagun inguru elkartu ziren. Honako bertsolari hauek aritu ziren kantuan:

 Sebastian Lizaso
 Jose Juan Eizmendi "Loidisaletxe"
 Jon Maia
 Uxue Alberdi
 Andoni Egaña
 Jokin Uranga

 Gai jartzaile lanetan, berriz, Xabier Azpillaga aritu zen. Saioaren kronika bat dakar Urola Kostako Hitzak.

 Bestalde, saioan bertan Erniarraitz Bertsozale Elkarteak antolatutako Bota Bertsoa lehiaketaren sari-banaketa izan zen. Parte-hartzaileek "eta gero zer?" gaiaren inguruan bertso bana egin behar zuten, eta bertso hori herriko tabernetan jarritako kutxetara bota edo erniarraitz@hotmail.com helbidera bidali. Azkenean, honako hauek izan dira sarituak:

 1.- Gorka Urbistondo
 2.- Laxaro Azkune
 3.- Iñigo Mendia

 Honenbestez, bukatu da Erniarraitzek antolatutako Bertso Astea.

• 
•