Nafarroako Txapelketa 2009-03-21

Desenpatea Nafarroan Silveira eta Sotoren artean

1000 sarrera jarri ditu antolakuntzak gaurko finalerako eta arratsaldeko lauetarako denak salduta zeuden. Elizondoko Lur aretoan erabakiko da gaur nor den aurtengo Nafarroako txapeldun. Arratsaldeko 17etan hasiko da saioa. Hiru finalaurrekoren ondoren, honako bertsolari hauek kantatuko dute:

 Xabier Silveira
 Julio Soto
 Iñigo Olaetxea
 Erika Lagoma
 Xabier Legarreta
 Julen Zelaieta
 Jon Barberena
 Ander Fuentes "Itturri"

 Txapelaz gain, Euskal Herriko Txapelketa Nagusian parte hartzeko txartelak ere jokoan izango dira gaur. Lehendabiziko lau sailkatuak ariko dira Txapelketa Nagusian.

 Finalerako sarrerak 10 eurotan salduko dira Bertsozale Elkarteko bazkideentzat eta 16 urtetik beherakoentzat. Gainerakoentzat, 15 eurokoa izango da prezioa. Bertsoa.com-ek zuzenean eskainiko du saioa.

 Bestalde, finalaren ondoren afaria izango da Elizondoko Antxitonea jatetxe-trinketean.

• 
•