Agenda 2013-07-30

Bertso-saio ugari gaur eta bihar

 San Inazio jaiak hasi dira bazterretan eta bertso-saio bat baino gehiago daude agendan iragarrita. Gaur Aretxabaletan bertso-afaria egingo dute Murualde elkartean iluntzeko 21etan. Aitor Sarriegi eta Anjel Mari Peñagarikano ariko dira bertsotan.

 Getxon, Algortako Bertsolari Eskolak antolatuta, saio bat baino gehiago izango dira datozen egunetan Kasino plazan. Gaur 13etan izango da saioa. Julio Soto, Igor Elortza, Sustrai Colina eta Xabi Paya dira bertan kantatzekoak.

 Altzon ere jaietan dabiltza. Gaur iluntzeko 20etan Agin Laburuk eta Iker Zubeldiak kantatuko dute plazan.


 Bihar ere izango da non aukeratua. Getxon bi saio iragarri dituzte. Eguerdiko 13etan bertso-saioa egingo dute Kasino plazan. Jone Uria Albizuri, Jon Maia, Fredi Paia eta Andoni Egaña jardungo dira bertsotan. Ondoren, eguerdiko 15etan, Jon Maia eta Andoni Egaña bertso-maratoiarekin hasiko dira.

 Azkenik, Oñatin, San Inaziotako erromerian, bertso-saioa egingo dute Urbian Manex Agirrek eta Oihane Pereak goizeko 11:30etan.

• 
•