Elizondoko jaialdia 2013-08-05

Santio egunez bertsotan

Amets Arzallus, Igor Elortza, Julio Soto, Jone Uria eta Agin Rezola aritu ziren kantuan Fernando Anbustegiren esanetara. Eguzkipean, Elizondoko plazak itxura ederra hartu zuen saio umoretsua entzuteko.

Tradizio bilakatu da Elizondoko jaietako bertso-saioa. Aurten ere plazak, eguraldia lagun, itxura ederra hartu zuen Santio egunez, iluntzean. Honako bertsolari hauek atera ziren oholtzara:

Amets Arzallus
Igor Elortza
Julio Soto
Jone Uria
Agin Rezola

Fernando Anbustegi aritu zen gai-jartzaile lanetan. Saioak umoretik izan zuen gehienbat, eta entzuleek jarritako giro beroa lagun, oso goitik joan zen. Une batzuetan udako arintasuna gainditu eta sakon aritu ziren bertsolariak. Hemen saioko aukeraketa.