Agenda 2013-08-09

Zazpi saio asteburuan

 Gaurko hiru saio daude iragarrita. Gasteizen haur eta gazteei zuzendutako "Bikokote" emanaldi berezia egingo dute Ama Birjin Zuriaren plazan 12:30etan.

 Ondoren, egunero bezala, 13:30etan bertso-saioa izango da Aihotz plazan. Gaurkoan Manex Agirre, Sustrai Colina, Maialen Lujanbio eta Alaia Martin dira kantatzekoak. Olatz Bayer izango dute gai-jartzailea.

 Azkenik, Zumaian balkoitik balkoirako saioa izango da Sanjuaniturri inguruan Euskal Jaien barruan. Amets Arzallus eta Unai Iturriaga jardungo dira bertsotan.

 Bihar beste bi saio antolatu dituzte. Berriatuan jaietan dira, eta iluntzeko 19:30etan plaza libreko saioa egingo dute Maialen Lujanbiok eta Unai Iturriagak Asterrikako plazan.

 Gabirian, berriz, bertso-afaria izango da iluntzeko 21etan Iñaki Murua, Iban Urdangarin eta Andoni Egañarekin.

 Igandean Berastegin izango da hitzordua. Urtero bezala bertso-jaialdia egingo dute iluntzeko 19etan. Julio Soto, Sustrai Colina, Amets Arzallus eta Iker Zubeldia jardungo dira bertsotan Amaia Agirre gai-jartzaile dutela.

• 
•