Aiako jaialdia 2013-08-12

Bertsoaren probalekua Aian

Maialen Lujanbio, Amets Arzallus, Xabi Paya, Arkaitz Estiballes eta Andoni Egaña aritu ziren kantuan, Sebastian Lizaso gai-jartzaile zutela. Ia 1000 entzule elkartu ziren, urtero bezala, Aiako probalekuan, eta saio dotorea eskaini zuten bertsolariek.

Berezia izaten da Aiako probalekuan urtero egiten den saioa. Andoni Egañak agurrean esan zuenez probalekua baino gehiago "demostratzeko lekua" da Aiakoa bertsolarientzat, eta saio dotorea eskaini zuten ia 1000 entzuleren aurrean. Honako bertsolari hauek atera ziren oholtzara gaueko 22ak pasatxotan:

Maialen Lujanbio
Amets Arzallus
Xabi Paya
Arkaitz Estiballes
Iker Zubeldia
Andoni Egaña

Gai-jartzaile lanetan bertsolari lanetan ohituagoa dagoen bat aritu zen: Sebastian Lizaso. Hasieratik nabarmen gelditu zen bertsolarien eta gai-jartzailearen arteko konplizitatea, eta saioa lehertzen lagundu zuen horrek. Bertsoaldi gehienek nabarmentzeko zerbait izan bazuten ere, hemen dago saioko aukeraketa.