Aste Nagusiko bertso-jaialdia 2013-08-27

Jainko bila Bilbon

Pasa den asteartean, hilak 20, Uxue Alberdi, Iñaki Apalategi, Amaia Iturriotz eta Oier Aizpurua aritu ziren kantuan Bilboko Santiago plazan. Ibon Aristik egin zituen gai-jartzaile lanak.

Bertsoak badu bere lekua eta lekuak Bilboko Aste Nagusian. Egunero gutxienez bertso-emanaldi bat izan da Santiago plazan eta konpartsek antolatuta Areatzan ere gozatu ahal izan dute bertsozaleek.

Asteartean bost gipuzkoar igo ziren oholtzara baina denak Santutxuko bertso-eskolan ibilitakoak edo dabiltzanak. Uxue Alberdi, Amaia Iturriotz, Oier Aizpurua eta Iñaki Apalategi bertso-kantura eta Ibon Aristi gai-jartzaile lanetara.

300 lagun elkartu ziren; gehienak oholtzaren bazter banatan eguzkitik ihesi.

Saio frexkoa egin zuten eta jaigiroan entzule bat ere igo zen oholtzara bertsotara.