Lehenengo kanporaketa 2013-08-29

Lizardi Saria gaur Zarautzen

Lizardi Sariko lehenengo kanporaketa jokatuko da gaur Zarautzen, Urpekoak elkartean, afalondoan. Bertsotan: Aimar Karrika, Eneritz Artetxe, Peio Ormazabal, Asier Azpiroz "Azpi", Odei Lopez, Gema Urteaga, Beñat Iguaran eta Eneritz Arzallus, Jon Zalduak aurkeztuta. Irabazlea finalera sailkatuko da. Kanporaketan bertsolariek lau lan puntuagarri eta 11na bertso dituzte. Hiru lan ofiziotan, zortziko handian, zortziko txikian eta hamarreko txikian, eta bina punturi erantzun.

Bihar azken kanporaketa
Gaurkoaren ondoren bihar jokatuko da bigarrren kanporaketa. Zortzi bertsolari gazte hauek arituko dira Maite Aizpuruaren esanetara: Ane Labaka, Saioa Alkaiza, Sabin Iraztorza, Alazne Untxalo, Amaia Iturriotz, Mikel Iturriotz, Oier Aizpurua eta Xabi Igoa. Saioa Urpekoak elkartean izango dira, afalondoan.

Finala, irailaren 6an Modelo zineman
Lizardi Sariko finala irailaren seian izango da, ostiralez, gaueko 22:00etan, Zarauzko Modelo zineman.

• 
•