Abuztuaren 12tik 25era 2013-08-29

Mexikon izan dira Miren Artetxe eta Iñaki Murua bertsolariak

Aurten bosgarrenez antolatu dute "V Jornada Iberoamericana de niños y jóvenes poetas troveros y versadores" jaialdi ibiltaria. Kuba, Argentina, Panama, Txile, Venezuela, Kolonbia, Puerto Rico, Brasil eta Mexikoko inprobisatzaileek hartu dute parte eta tartean Euskal Herriko ordezkaritza ere izan da. Miren Artetxe eta Iñaki Murua izan dira bertan abuztuaren 12tik 25era bitartean. Mexikoko zortzi hiri eta herritan izan da jaialdia, eta hitzaldiak, bertso-saioak eta mahai-inguruak eskaini dituzte. Hala, bertso-jardunaren erakusgarri izateaz gain inprobisatzaile bakoitzak bere herrialdeko egoeraren berri eman du. Eta herrialdeen arteko harremanak sendotzeko ere balio izan dute jardunaldiek.

• 
•