Bertsolaritzaren transmisioa 2013-09-12

Lekaixoka bertso-eskola sortu dute Aratxabaletan

Lekaixoka bertso-eskola sortu dute Aratxabaletan, hamar bertso zaleren ekimenez, herrian bertso zaletasuna sustatzeko. Bi ardatz izango ditu Lekaixokak: batetik, eskola bera egongo da, eta nahi duten guztientzat zabalik, "Lehen Hezkuntzako 4. mailatik gorakoak", eman du aditzera Beñat Zamalloak, bertso-eskolaren sustatzaileetariko batek. Bigarren ardatzak herritarrak ditu oinarri. Herrian bizi diren guztiei bat-batekotasunarekiko zaletasuna "kutsatutzea" du helburu. Horretarako, esate baterako, plaza erosoak sortu asmo dituzte, eta bestalde, kultur eragile izanik gaiarekin lotutako ekimenak antolatzeko nahia ere azaldu dute.

Bi irakasle izango ditu bertso-eskolak: Miren Amuriza helduez arduratuko da, eta Xabier Arenaza, berriz, txikiez. Interesa dutenek irailaren 16tik 30era eman ahal izango dute izena, Arkupeko harreran. "Urtean 50 euro kostatuko da, eta epe bakarrean zein bitan ordaindu ahal izango da".

• 
•