Bertsolaritza eta emakumea 2013-09-19

45 emakume bildu ziren Emakumeen Topaketan, Axkixun

10 urte dira Axkixuko aterpetxean (Getaria) bertsolaritza esparruko emakumeak elkartu zirela. Berriz ere juntadizoa errepikatzeko grina piztu zen, eta lau haizetara zabaldu zuten deialdia. Hamar urte geroago, joan den asteburu (irailak 13-14) elkartu dira hala bertsolaritza esparruko emakumeak, baina oraingoan 16 urtekoetatik hasi eta 65 urterarteko 45 emakume izan dira, belaunaldi eta herrialde ezberdinetakoak. Beste 8 kidek ere agertu dute parte hartu nahia baina ezin etorria. Jolasak, antzerkiak, kantuak, bertso-eskolan lantzeko moldeen esperimentazioa, elkarrizketak, umorea eta elkarrekin egotea bera izan dira osagaiak. Berriz ere elkartzeko grinarekin agurtu zuten elkar. Bertan egon direnen hitzetan, oso topaketa aberasgarria izan da.

• 
•