Bertsoaroaren barruan 2013-11-05

"Ez gara Palestinaz ari" gaur Iruñean

 Aurrera doa Nafarroako Bertsozale Elkarteak Iruñeko Udalarekin elkarlanean antolatzen duen Bertsoaroa. Gaur "Ez gara Palestinaz ari" emanaldia izango da ikusgai iluntzeko 20etan Gurutze Plazako Institutuko areto nagusian. Emanaldian Unai Muñoa eta Ander Lizarralde bertsolariak aritzen dira aurrez aurrez idatzitako sortak kantatzen, Imanol Kamio eta Aitor Atxega musikarien laguntzaz.

 Gaurkoaren ondoren, bi bertso-saio eta kontzertu bat izango ditu Bertsoaroak. Ostegunean Gurutze Plazako Institutuko areto nagusian izango da bertso-saioa, iluntzeko 20etan. Honako bertsolari hauek kantatuko dute Joseba Beltzaren esanetara:

 Irati Majuelo
 Mikel Lasarte
 Egoitz Gorosterrazu
 Maddi Sarasua
 Nerea Ibarzabal
 Amaia Iturriotz

 Datorren asteartean, berriz, Igelaren Bandaren musika emanaldia izango da leku eta ordu berean. Bixente Martinez, Hasier Oleaga eta Amaiur Cajaravillek osatzen dute taldea.

 Azkenik, azaroaren 14an bukatuko da Bertsoaroa, leku eta ordu berean izango den bertso-saioarekin. Ainhoa Aranburu gai-jartzaile dela, honako seikote hau aterako da kantura:

 Maialen Lujanbio
 Jon Maia
 Xabier Silveira
 Julen Zelaieta
 Amets Arzallus
 Fredi Paia

• 
•