Bertsoaroa 2013-11-07
Bertso-saioa izango da gaur Iruñean
Nerea Ibarzabal, Amaia Iturriotz, Irati Majuelo, Maddi Sarasua, Egoitz Gorosterrazu eta Mikel Lasarte ariko dira kantuan Joseba Andoni Beltzaren esanetara. Iluntzeko 20etan izango da saioa, Gurutze Plazako Institutuko areto nagusian.
Aurrera jarraitzen du Bertsoaroak Iruñean. Gaur bertso-saioa izango da iluntzeko 20etan Gurutze Plazako Institutuko areto nagusian. Honako seikote hau aterako da kantura:Nerea Ibarzabal
Amaia Iturriotz
Irati Majuelo
Maddi Sarasua
Egoitz Gorosterrazu
Mikel Lasarte
Joseba Andoni Beltza izango dute gai-jartzaile.
Gaurkoaren ondoren beste bi emanaldi izango ditu Bertsoaroak. Datorren asteartean Igelaren Bandaren musika emanaldia izango da Gurutze Plazako Institutuko areto nagusian, 20etan. Bixente Martinez, Hasier Oleaga eta Amaiur Cajaravillek osatzen dute taldea.
Ostegunean, berriz, bertso saioa izango da leku eta ordu berean. Ainhoa Aranburu ariko da gai-jartzaile, eta honako seikote hau aterako da kantura:
Maialen Lujanbio
Jon Maia
Xabier Silveira
Julen Zelaieta
Amets Arzallus
Fredi Paia
