Bertsolari Txapelketa Nagusia 2013-12-09

Finala eta bertsolarien erreakzioak zuzenean Bertsoa.com-en

Bertsoa.com-ek finala oso-osorik zuzenean emango du, ETBrekin elkarlanean. Finala amaitu bezain laister, txapeldunaren eta beste zazpi finalisten hitzak eta erreakzioak ere zuzen-zuzenean emango ditu BEC-eko prentsa aretotik. Horretaz gain, igande gauean bertan sarean izango dira buruz buruko bertsoaldiak. Astelehenean zehar, finala ia osorik jarriko dugu ikusgai eta astean zehar txapeldunari elkarrizketa ere egingo dio Bertsoa.com-ek.

Bertsoa.com-en jarraipen zabala
Txapelketak, plazan bezalaxe, Bertsoa.com-en ere oso jarraipen zabala izaten ari da, orain artean ekitaldi batek gurean izan duen handiena. Txapelketa hasi zenetik 115.000 sarrera izan ditugu eta egun bakarrean 5.400 izatera iritsi gara. Erabiltzaileei dagokionez, irailetik 36.000 erabiltzaile bakar baliatu da Bertsoa.com-eko edukiaz, ia BEC hiru aldiz. Urte osoko datuetara jota, 245.000 sarrera izan ditugu, eta 65.000 erabiltzaile desberdin.  Txapelketako zuzeneko saioek ere, ETBrekin elkarlanean eginak, oso harrera ona izan dute. Aldi berean 300-400 ikusle izan dira gehienetan eta izan dira 550 ikusleko momentuak. Saio osoan zeharreko ikusle kopuru totala, ordea, ia bikoitza da, Livestream plataformako estatistiken arabera beti ere:  600-800 ikuslek jarraitu dute saio bakoitza zuzenean, 9.000 inguru orotara.

• 
•