Afaritarakoak bazkideentzat 2014-01-08

Bertso Egunerako sarrerak salgai daude

 Urtarrilaren 25ean ospatuko da Bertso Eguna. Bertsozale Elkarteak egun osorako egitaraua prestatu du. Arratsaldeko ekitaldirako sarrerak salgai daude jada erosi nahi duen edonorentzat, eta afaritarako sarrerak ere bai bazkideentzat. Bazkide ez direnek urtarrilaren 15etik aurrera erosi ahal izango dituzte www.bertsosarrerak.eu atarian.

 Bertso Egunaren aurkezpen ofiziala hilaren 22an izango da. Dena den, urteroko egitaraua izango da: goizean bertsolariak Donostiako Alde Zaharreko kaleetan ibiliko dira, arratsaldean ekitaldi nagusia egingo da Kursaaleko Areto Nagusian eta ondoren afaria izango da. Aurten afaria lekuz aldatu da eta Manteo Kiroldegian ospatuko da. Iparra-Hegoa elkartea arduratuko da afaria jartzeaz.

• 
•