2013ari errepasoa 2014-01-09

Bertsoz betetako urtea

Urte oparoa izan da 2013a. Amurrion hasi zuena Durangon bukatu zuen Bertsoa.com-ek. Tartean joan dira Bertsolari Txapelketa Nagusiaren eta Araba eta Nafarroako finalen zuzeneko emisioa, Eskolartekoen eta gazte sariketen jarraipena, udan herriko festetako saioei emandako lekua, Bertso Eguna... Denera 102 bertso-ekitalditako edukiak sareratu ditugu. 2013an bidelagun izan ditugu Hitzetik Hortzerako lantaldea eta borondatezko grabatzaileak, eta denen eskutik jasotako edukiak plazaratu ditugu. Bertsolari Txapelketa Nagusiak ere izan du bere eragina, inoiz baino erabiltzaile gehiago izan baititugu: 320 000 sarrera izan ditu aurten Bertsoa.com-ek, horietatik 86 000 erabiltzaile bakar. Facebook-en 470 lagunek atsegin dute Bertsoa.com eta Twitterrerako jauzia ere eman dugu. Ia 2 000 jarraitzaile ditugu une honetan.

• 
•