Hitzetik Hortzera 2014-02-07

Abadiñon Sanblasetan

Aste honetan Abadiñon eta Gasteizen izango da Hitzetik Hortzera. Abadiñon ospatu berri dituzte Sanblasak eta urtero moduan aurten ere bertso-afaria egin dute. Maialen Lujanbio eta Andoni Egaña gonbidatu dituzte afaritara. Sanblasetako azokaren “erretratua” egingo du bertsotan Bittor Altubek, Abadiñoko bertso-eskolako gazteenak.
 
Gasteizen zazpi bertsolari elkartu ziren Jimmy Jazz aretoan, Gasteizko Harresiak antolatutako bertso-jaialdian. Sustrai Colina, Unai Iturriaga, Arkaitz Estiballes, Andoni Egaña, Alaia Martin, Ander Solozabal eta Jon Maia. Josu Goikoetxea gidari.
Arabako Bertso-Kuadrilla artekoaren parte-hartzaileek ekimenaren nondik-norakoak azalduko dituzte.
 Hau guztia igandean arratsaldeko 15:00etan ETB1en.

• 
•