Bardoak 2014 2014-02-13

Bardoek bost saio egingo dituzte asteburuan

 Bardoak lehengo asteburuan hasi ziren lehian eta bihar hasiko da bigarren asteburua, bost saiorekin. Bihar bertan izango dira bi. Iruñean, Zaldiko Maldiko elkartean, bertso-merendua egingo dute. Bertan ariko dira Mirristi Drimtim (Xabier Terreros, Unai Uberetagoena eta Asier Saragueta) eta Bilixkorriko (Eneko Lazkoz, Oier Lakuntza, Alain Iriarte eta Unai Artieda).

 Beran ere bertso-merendua egingo dute, iluntzeko 21etan Gaztetxean. Bordboiak (Julen Zelaieta, Patxi Castillo, Aitor Elexpuru eta Jokin Pinatxo) eta Bertze Maldikoak (Ainhoa Aranburu, Aimar Karrika eta Oscar Sanz de Acedo) ariko dira kantuan.


 Larunbatean beste hiru saio izango dira. Otsagabiako Gartxot elkartean 16:30etan egingo dute bertso-merendua eta bi taldek kantatuko dute bertan: Xirristi Drimtim (Martin Azpiroz, Xabier Zarraluki, Migel Anjel Ortiz de Guzman eta Mikel Xabier Juaniz) eta Beti berandu... ta gauz onik ez! (Ander Fuentes "Itturri", MIkel Azpiroz eta Iñigo Sagastibeltza).

 Leitzako aurrera elkartean arratsaldeko 18etan izango da saioa, bi talderekin: Harrapazank (Migel Mari Elosegi "Luze", Iñigo Ibarra eta Joanes Illarregi) eta Miluzeko barañetak (Ander Baiano, Ander Perez, Mintxo Astiz, Pablo Perez, Edurne Errea eta Iker Mundiñano).

 Azkenik, Gaintzako elkartean ere bertso-merendua izango da, iluntzeko 19etan. Mailopetarrak (Oskar Estanga, Aritz Saragueta eta Aitor Irastortza) eta Lepatanuek 2, txipiroien itzulera (Kotte Plaza, Jon Barberena, Oier Amiano eta Xabier Maia) ariko dira bertsotan.

• 
•