Bertso-Udalekuak 2014 2014-02-23

Begirale, zuzendari eta sukaldarientzat izen-ematea zabalik

 Oraindik udaberria iritsi ez den arren Bertsozale Elkartea hasi da jada bertso-udalekuak prestatzen. Aurten ere bost txanda izango dira uztailean eta abuztuan: Arrazolan (Bizkaia), Baigorrin (Behe Nafarroa), Irañetan (Nafarroa), Orion (Gipuzkoa) eta Zuhatzan (Araba).

 Bertan begirale, zuzendari edo sukaldari bezala parte hartu nahi duen edonork aukera dauka izena emateko. Informazio gehiago nahi izanez gero egin klik hemen. Martxoaren 17ra bitarte egongo da izena emateko epea zabalik.

 Haur eta gaztetxoak bi epetan

 Bertso-Udalekuetan parte hartu nahi duten haur eta gaztetxoek ere laster izango dute izena emateko aukera. Hala, iaz bezala bi epe izango dituzte. Bertso-eskoletako ikasleek eta Bertsozale Elkarteko bazkideen seme-alabek izango dute aukera lehenik. Martxoaren 11tik 27ra bitarte izango dute izena emateko aukera.

 Gainerako kideek apirilaren 2tik 30era izango dute apuntatzeko aukera.

 2013ko Bertso-Udalekuetako irudi muntaia ikusgai dago hemen.

• 
•