Bertso-eskolen batzordeak eskainita 2014-03-11

Bertso-eskolek ikastaro sorta izango dute aukeran

 Aurten ere Bertso-Eskolen Batzordeak ikastaro sorta bat eskainiko die bertso-eskolei. Bertsozale Elkarteak egingo du ikastaroaren finantzaketaren erdia eta gainerakoa, 125 euro alegia, bertso-eskolak berak ordaindu beharko du. Hortik aurrera, bertso-eskola izango da ikastaroaren antolatzailea eta nahi duen bezala itxuratu ahal izango du: talde barrurako ikastaro gisa, herri mailara zuzendua, bailarako beste bertso-eskola batzuekin batera... Ikastaroek ordu eta erdi edo bi orduko iraupena izango dute eta maiatzaren 5a baino lehen egin beharko da eskaera hona idatzita: bertsoeskolak@gmail.com.

 Denera 9 ikastaroko sorta eskaini du batzordeak, baina bertso-eskolek aukera izango dute proposamenak egiteko. Honako hauek dira ikastaroak:

 -"Errimak Umorez: zerekin egiten dugu barre?". Ainhoa Agirreazaldegi
 -"Zelan epaitzen da (dugu) umorea txapelketan?". Unai Iturriaga
 -"Bat-bateko bertsoen bat-bateko epaia". Iñaki Aurrekoetxea
 -"Izan gai(-jartzailea)". Unai Elizasu
 -"Gaiaren trataera, bertsolarien aldetik". Maialen Lujanbio
 -"Gaiak eta gaien trataera genero ikuspegitik". Uxue Alberdi
 -"Generoa eta bertsolaritza". Uxue Alberdi, Ainhoa Agirreazaldegi
 -Xabier Amurizarekin elkarrizketan
 -Imanol Lazkanorekin elkarrizketan

 Informazio gehiago nahi izanez gero egin klik hemen.

• 
•