Eskolarteko txapelketa 2014-03-14

Lasarte-Orian gaur Gipuzkoako eskolartekoaren bigarrren zita

Ostiral honetan Gipuzkoako eskolarteko bigarren kanporaketa jokatuko da, Lasarte-Orian. Formatu berriari jarraiki, idatzizko lehiaketaren ondotik, saio didaktikoa izango da. Bertan izango dira Beñat Gaztelumendi, Ane Labaka eta 14 arteko bertsolari gaztetxoak. Iluntzean, bat-bateko txapelketa jokatuko da, 15 urtez gorakoen artean.

Idatzizko sariketa Lasarteko Manuel Lekuona Kultur Etxean izango da eta 200 umek hartuko dute parte, honako ikaste hauetakoak: Oiartzungo Haurtzaro Ikastola, Oiartzungo Elizalde, Hernaniko BHI, Hernaniko Langile, Donostiako Amara, Lasarteko Landaberri eta Urnieta eta Donibaneko bertso eskolakoak.

Saio didaktikoan Oiartzun eta Beasaingo lau talde
Idatzizkoaren ondoren, Beñat Gaztelumendi eta Ane Labakarekin beste gaztetxo koadrila batek hartuko du parte bertsotan. Lau talde izango dira, bi Oiartzungo eta bi Beasaingo. Aurkezle, Amaia Agirre arituko da. Saio didaktikoa ere Manuel Lekuona kultur etxean da.


Zortzi bertsolari bat-batean
Ondoren, afari-merienda giroan, bat-bateko txapelketaren txanda izango da. 15-18 urte bitarteko 8 bertsolari gazte arituko dira kantuan, Harrieskaileta elkartean:

-    Maddi Etxeberria (Larraul)
-    Jokin Irastorza (Oiartzun)
-    Iraitz Mateo  (Oiartzun)
-    Iraitz Sarasola (Ordizia)
-    Gartxot Ramirez (Zaldibia)
-    Ander Garayar (Zarautz)
-    Ixak Sarasua (Aretxabaleta)

Aurkezle Amaia Agirre izango da.
Saioko irabazlea Gipuzkoako finalera sartuko da. Bost kanporaketa saio direnez, kanporaketa bakoitzeko irabazlea eta puntuz hiru lehenak sailkatuko dira finalerako.

Afari-meriendara joateko eskuratu txartelak  www.bertsosarrerak.eu gunean

• 
•