Julian Ezeiza 'Aterpe' bertsolaria zendu da 2014-04-01

Hernanin bertsoaren haria mantendu zuen bertsolaria hil da

Hernanin bertsoaren haria eten gabe mantendu zuen bertsolaria hil zen atzo, Julian Ezeiza Aterpe, 84 urte zituela, Aterpen, bere base­rrian. Hernaniko ber­tso­laritza ia galduan zegoe­nean heldu eta berpiztu zu­te­netako bat da Aterpe.
Txiki-txikitatik bertsota­ra­ko afizioa izandakoa, eta me­moria harrigarrikoa. Frankismo on­do­rengo urteetan, Hernanin bertsoa ia de­sa­ger­tuan zegoenean, pla­zaz plaza ibili zen Aterpe, herriko au­zoetako fes­tetan, errondetan, xoxik ko­bratu gabe, Antton Ga­rin la­guna ondoan zuela. Her­na­ni­ko Txapelketa ere irabazi zu­en, eta Usurbilen kontrako apus­­tu famatuan bera ere tartean zen, Galarretan, 1.000 ikusle­ren au­rrean.  Aterpe eta Antton Garin 2005ean omen­du zituen Irau­lio Pan­ttalone bertso es­kolak.

Eliz­ki­­zu­nak, gaur, 19:00­e­tan, San Joan Bataia­tzailea parrokian.

• 
•