Zizurkil irabazle 2014-04-16

Final arrakastatsua Tolosaldeko Herriartekoan

Tolosaldeko Harituz I. Herriarteko txapelketak bukaera benetan indartsua izan du. Anoetako gaztetxean 500 lagun elkartu ziren Berastegi eta Zizurkilen arteko aurrez aurrekoaz gozatzeko; baita gozatu ere. Azkenean, zizurkildarrak izan ziren irabazle: Jon Ormazabal, Unai Mendizabal "Mendi" eta Joseba Otaegi. Berastegiko taldean, Iñigo Gorostarzu "Etxeorde", Beñat Salbarredi eta Ibon Karrera aritu ziren kantuan.

Gai eta lan aldetik ere berezia izan zen finala, txapelketa bera ere halakoxea izan baita. Antolatzaileak oso gustura daude ekimenak izan duen jarraipenarekin eta finalaren arrakastarekin; izan ere, aurreikuspen guztiak hautsi ditu lehenengo Herriartekoak.

• 
•