Durangoko Plateruenan 2014-04-28
Maiatzaren 8an hasiko da DF Bertsozale Eskola
Bertsozaleak bertsolaritza gertuagotik ezagutzea du xede ekimenak. Elkarrizketak izango dira aurten oinarri: lehenengo saioan Xabier Amuriza elkarrizketatuko du Unai Iturriagak; bigarrenean Manolo Arozena Erika Lagomak; hirugarrenean Andoni Egaña Igor Elortzak eta laugarrenean Imanol Lazkano Miren Amurizak. Izena emateko epea zabalik dago eta doainik egin daiteke emailez edo Plateruena Kafe Antzokira bertara joanda.
Badira urte batzuk Durangon DF Bertsozale Eskola antolatzen hasi zirenetik. Aurtengoan ere, maiatzeko lau ostegunetan, bertsolaritzara gerturatzeko aukera izango du interesa daukan edonork. Lau elkarrizketa izango dira aurtengo edizioaren oinarri, eta Plateruena Antzokian izango dira laurak, iluntzeko 20etan.Maiatzaren 8an Xabier Amuriza elkarrizketatuko du Unai Iturriagak; maiatzaren 15ean, Erika Lagomaren galderei erantzungo die Manolo Arozenak; maiatzaren 21ean Igor Elortzak elkarrizketa egingo dio Andoni Egañari eta, azkeneko saioan, maiatzaren 29an, Miren Amuriza izango da Imanol Lazkanoren jarduna gidatuko duena.
Izena emateko bi aukera daude: emailez egin daiteke honako helbide honetan: antolaketa@plateruena.net. Bestela, Plateruenara bertara joanda eman daiteke izena. Doakoa izango da.
Albiste gehiago
Aitor Bizkarra Ruiz - Bizkaiko Bertsolari txapelketa 2025-10-28
«Gustura nago beharra egin izanagatik eta aldartea mantendu izanaren poza badaukat»
Nafarroako Txapelketa - Xabat Illarregi Marzol 2025-10-21
«Egin nahi nuenetik nahiko gertu sentitu nuen nire burua Iruritan»
Jexux Mari irazu
Larunbatean 21:00etan ETB1en 2025-10-16
Bertso-klowna, Iurretako jaialdia eta rapa Hitzetik Hortzeran, Odei Barroso gonbidatu dela
Ibai Amillategi Ormaetxebarria - Bizkaiko Txapelketa 2025-10-14
«Gustatuko litzaidake plazako bertsokeratik ahalik eta hurbilen egotea txapelketako saio guztietan»
Jexux Mari irazu
Irune Basagoiti Agirre - Bizkaiko Txapelketa 2025-10-14
«Saioetan sendotasun hori lortzeko zentratu nahi izan dut, txapelketan ez ezik plazarako onuragarria izango zena»
Jexux Mari Irazu
Itzali eta piztu bertso saio elektronikoak 2025-10-09
«Plazan ohikoak ez diren mezuak mahai gaineratzea da helburua»
Erredakzioa